DÍA DA PAZ

O día 30 de Xaneiro celebramos o día da Paz e non violencia, pondo especial énfase neste día, pero tentando traballar este aspecto todos os días do ano. É un valor moi importante que temos que educar e lograr para vivir nunha sociedade na que nos respectemos uns a outros.

O que fixemos a sido compartir intres de convivencia coas nosas familias decorando a nosa man e escribindo o que supón para nós a paz e despois unimos todas as nosas mans en símbolo de forza por lograla.

SEMANA DA INTELIXENCIA MUSCIAL

Durante a semana do 23 ó 27 de Xaneiro de 2017, no Con estivemos a traballar a partir da intelixencia Musical.

O que fixemos foi que, cada día, todos xuntos participamos en actividades relacionadas con esta intelixencia na que traballamos:

- Diferentes sons a partir dos cales tivemos que movernos ó son e cando se produce silencio converternos en estatuas.

- Outro día estivemos a adiviñar qué canción  soaba mostrando só unha parte da mesma

- Noutra ocasión xogamos a intrepetar son-acción, por exemplo un toque de pandero cunha palmada; dous toques patada no chan e tres toques un salto. 

- Outra das actividades consistía nos aros musicais onde tiñan que bailar a música que soaba e cando esta paraba métense dentro dun aro compartíndoo cos compañeiros, xa que estes ían desaparecendo. 

Por último, visitáronnos un grupo de gaiteiros cos que estivemos a facer xogos moi divertidos e ensináronnos a bailar baile tradicional galego!. 

Tamén trouxemos a clase información sobre personaxes que dedicaron a súa vida á música. Os que achegamos foron os do Río coa "macarena", Michael Jackson con "Thriller" e Elvis Presley. 

Pasámosnolo xenial!